Gazeta Sinjali mbrëmë ka raportuar për incidentin me armë që ka ndodhur në diskotekën ‘Lit’ në rrugën ‘Lidhja e Pejës’ në Prishtinë, ku si pasojë e të shtënave, një person ka mbetur i plagosur. Të dyshuarit kanë arritur që të largohen menjëherë nga vendi i ngjarjes, duke ikur kështu nga duart e Policisë. Por ata janë identifikuar dhe tashmë janë në kërkim policor.
Sinjali mëson ekskluzivisht nga burimet brenda Prokurorisë se dy të dyshuarit janë
Alban Fazliu 25-vjeçar
Halim Fazliu 28-vjeçar
Mentor Xhakolli 27-vjeçar
Policia ka kryer bastisje në shtëpitë e të dyshuarve në tri lokacione në rajonin e Podujevës, mirëpo ata nuk janë hasur ende.
Në anën tjetër, viktima që është një 37-vjeçar, ka marrë trajtim mjekësor në Qendrën Klinike Universitare të Kosovës, si shkak i gjendjes në të cilën ndodhej pas plagosjes me armë zjarri.
Prokurori i Shtetit ka urdhëruar që të nisin hetimet për veprën penale ‘Vrasje në tentativë’, ndërsa të ndërmerren veprimet e nevojshme për identifikimin dhe kapjen e personave të dyshuar.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./GazetaSinjali