I shoqëruar me efektivë të policisë dhe Forcave të Ndërhyrjes së Shpejtë deri te varri i gjyshes së tij, Fredi Beleri mbërriti në varrezat e Himarës.
Nën masa të rrepta sigurie brenda dhe jashtë varrezave, kryebashkiaku i zgjedhur i Himarës mori pjesë në varrimin e gjyshes, që ndërroi jetë në moshën 98-vjeçare.
Edhe gjatë momentit të ceremonisë mortore, të shumtë kanë qenë forcat e policisë, ndërsa qindra qytetarë të Himarës dhe simpatizantë që prisnin Belerin, kanë brohoritur me thirrje në mbështetje të tij.