Kryetari i organizatës joqeveritare Komiteti Evropian për Zhvillimin e NATO-s, Gunther Fehlinger, pas ngjarjeve të së dielës në veri të Kosovës, ka reaguar sërish sot.
Fehlinger të dielën, derisa po kryhej sulm terrorist në Banjskë të Zveçanit, kishte bërë thirrje për veprim urgjent kundër Serbisë. Ai sugjeronte që NATO-ja duhet të jetë gati të bombardojë sërish Beogradin, nëse paqja në Ballkan kërcënohet.
Ndërkaq sot, austriaku ka kërkuar që Lista Serbe të shpallet organizatë terroriste, shkruan Ballkani.info.
“I bëj thirrje BE-së dhe Kosovës që ta shpallin Listën Serbe organizatë terroriste”, ka shkruar Fehlinger në Twitter, derisa e ka shpërndarë postimin ku nënkryetari i Listës Serbe shihet në mesin e terroristëve që sulmuan Kosovën të dielën.
I call EU and Kosovo 🇽🇰 to declare @srpskalista a terrorist organization @ManfredWeber @RobertaMetsola @guyverhofstadt @gahler_michael https://t.co/xL3xq3or3V
— Gunther Fehlinger (@GunterFehlinger) September 26, 2023
Austriaku të dielën ka deklaruar se arsyeja e ndërhyrjes ndaj Serbisë ka qenë se ky shtet mund të nisë një luftë në Kosovë dhe Bosnjë e Hercegovinë. Ai ka theksuar edhe përfshirjen e Rusisë në përshkallëzimin e situatës në veri të Kosovës. /Ballkani.info