Albin Thaçi, nipi i ish-presidentit të Kosovës Hashim Thaçi, ka njoftuar se ai dhe familja Thaçi do ta përkrahin Përparim Ramën në garën për kryetar të Prishtinës, në zgjedhjet që mbahen më 9 nëntor.
Sipas Albin Thaçit, ky vendim është marrë për shkak të respektit dhe qëndrimit njerëzor që Përparim Rama ka treguar ndaj familjes Thaçi gjatë momenteve më të vështira.
Ky qëndrim publik i familjes Thaçi vjen vetëm disa ditë para zgjedhjeve vendore, duke u parë si një sinjal mbështetjeje që mund të ketë peshë në garën për kryeqytetin./lajmishqip.net
