Katalogu turistik është një mjet i fuqishëm për promovimin e turizmit dhe tërheqjen e vizitorëve. Ai ofron një pasqyrë të detajuar të destinacioneve turistike, atraksioneve, aktiviteteve dhe shërbimeve që një vend ose rajon ka për të ofruar. Përmes fotografive të bukura, përshkrimeve tërheqëse dhe informacionit të dobishëm, katalogu ndihmon turistët potencialë të kuptojnë më mirë mundësitë dhe përvojat që mund të kenë gjatë vizitës së tyre.
Një katalog i mirëhartuar ndihmon gjithashtu në krijimin e një imazhi pozitiv dhe tërheqës për destinacionin, duke nxitur dëshirën e njerëzve për ta vizituar. Ai mund të shërbejë si një udhëzues i dobishëm për turistët, duke u ofruar atyre informacion të qartë dhe të organizuar mbi vendet për të qëndruar, ushqimin, transportin dhe aktivitetet kulturore.
Përveç kësaj, katalogu turistik luan një rol të rëndësishëm në mbështetjen e bizneseve lokale dhe rritjen e ekonomisë vendase.
Duke ditur ketë vlerë të rëndësishme OJQ GIS & Software Solution, ka paraqitur iden e krijimit të Katalogut Turistik të Komunës së Suharekës si dhe te Qytetit të Suharekës. Komunë e banuar qysh në periudha të hershme, nga të cilat janë Dëshmitë sikur: Hisari i Kastërcit, Hisari i Suharekës, Tumat Ilire në Gjinoc dhe Samadrexhë, Gjyqeti në Grejçec, Shpella Matosit në Mushtisht, pastaj objekte me vlera Historike dhe kombëtare si Xhamia në fshatin Leshan më e vjetra në Komunen e Suharekës, Kulla e Ramë Bllacës, Shtëpia e Muze e Fadil Vates, Kulla e Lirisë në Krushicë, Muzeu i martirëve të familjes Berisha, Parku i dëshmorëve, Mulli të vjeter të me ujë, pastaj Monumente Natyrore me vlera të veçanta, dhe aktivitete e shumëta kulturore dhe festive dhe ngjarjet sportive.
Prania e gjithë e këtyre pasurive e bën katalogun një mjet të domosdoshëm dhe efektiv për promovimin e qëndrueshëm dhe të suksesshëm të turizmit.
Dhe padyshim që do të jetë model edhe për Komuna tjera që të ndjekin shembullin e tyre, që përmes Katalogut turistik të promovojnë vlerat e Komunave të tyre.
