Trafiku në urën e Krimesë është ndalur herët në mëngjes, ndërsa në raportet e para thuhet se janë dëgjuar shpërthime dhe se ka pasur edhe viktima në incident, raporton CNN.
Sergei Aksyonov, guvernatori i Krimesë, nuk specifikoi se çfarë ishte incidenti, por e konfirmoi atë, transmeton Telegrafi.
#Russians publish more #photos from the #Crimeanbridge#Crime #UkraineWar #BreakingNews #Crimea #Kerch #KerchBridge #UkraineRussiaWar️ #graindeal pic.twitter.com/9XdOrq7ZQK
— ShamS (@sham_syrianews) July 17, 2023
“Agjencitë dhe shërbimet e sigurisë janë në terren. Kam biseduar me Ministrin e Transportit të Federatës Ruse, Vitaly Savelyev dhe po merren masa për zgjidhjen e situatës”, tha Aksyonov.
Ai u bëri thirrje qytetarëve që synojnë të udhëtojnë drejt dhe nga Krimea për të gjetur një rrugë alternative.
Agjencia ukrainase e lajmeve RBC raportoi se në urë u dëgjuan shpërthime.
🚨 BREAKING: At least one bridge span has collapsed on the Kerch Bridge after an apparent missile strike by Ukraine. All traffic stopped. 5am currently. The bridge connects occupied Crimea and Russia. pic.twitter.com/OL9q0cfycI
— Igor Sushko (@igorsushko) July 17, 2023
Pranë urës ka turma të mëdha. Kanali rus Grey Zone në Telegram, i cili është i lidhur me grupin Wagner, raportoi se ura u sulmua dy herë në periudhën pas orës 3 të mëngjesit.
Pamjet e postuara në mediat sociale treguan kolaps trafiku në urë, me drejtuesit e automjeteve që u urdhëruan të kthenin veturat e tyre dhe të ktheheshin nga erdhën.
Pretendimet se “është dëgjuar një shpërthim” dolën në Telegram dhe kanali “Baza” raportoi se kishte viktima.
Reports out of Crimea of a successful strike on Kerch bridge resulting in a span collapse pic.twitter.com/6Z3vEX4mJv
— Dmitri Alperovitch (@DAlperovitch) July 17, 2023
Ministria ruse e Transportit konfirmoi se ka dëmtime në rrugën në anën e Krimesë të urës, transmeton Tass. Ministria tha se një inspektim është duke u zhvilluar në urë./Telegrafi