Një shpërthim i madh në një magazinë fishekzjarre në jug të Indisë ka zhdukur mijëra peshq në një liqen aty pranë.
Pamjet tregojnë shpërthimin e madh që rezultoi në një zjarr, por për fat të mirë askush nuk u lëndua, raporton themirror.
Megjithatë, shpërthimi i fuqishëm shkaktoi dëme të konsiderueshme materiale në shumë ndërtesa dhe vrau shumë kafshë ujore në liqenin Bommanahalli.
“Njerëzit u zhvendosën shpejt në një vend të sigurt dhe zjarrfikësit shkuan në vendngjarje për të shuar flakët”, tha një burim lokal.
“Pas një përpjekjeje prej më shumë se dy orësh, flakët mund të shuheshin, megjithëse në këtë operacion kërkoheshin zjarrfikës shtesë”, shtoi ai.
Ndryshe, një muaj më parë, nëntë persona mbetën të vdekur dhe disa u plagosën në një shpërthim tjetër në distriktin Kancheepuram./Telegrafi