Gjykatësi Charles Smith III, para pushimit të drekës ka deklaruar se Jakup Krasniqi, ua ka bërë me dije se është në gjendje të mirë shëndetësore dhe do jetë i pranishëm për seancën e pasdites.
Kjo pasi që paraprakisht, avokatja e Krasniqit, Venkateswari Alagendra ka paralajmëruar se i mbrojturi i saj mund të kërkojë të largohet nga salla, me arsyetimin se nuk është në gjendje të mirë shëndetësore.
Mbrojtësja e ish-zëdhënësit të Ushtrisë Çlirimtare të Kosovës (UÇK), Jakup Krasniqi, avokatja Venkateswari Alagendra, në seancën e sotme në Dhomat e Specializuara të Kosovës (DhSK) në Hagë, ka paralajmëruar se Krasniqi mund të kërkojë të largohet nga salla, me arsyetimin se i njëjti nuk është në gjendje të mirë shëndetësore.