Skandali ‘Jovanjica’ në Serbi ka nxjerrë në pah lidhjet e mafias me shërbimet e inteligjencë dhe sigurisë në Serbi, duke implikuar krerët e shërbimeve si Bratislav Gasic dhe Aleksandar Vulin, e me ta direkt vet presidentin serb Vucic, transmeton Gazeta Metro.
Procesi gjyqësor që po mbahet ndaj Predrag Koluvija, pronar i një ferme bujqësore ‘Jovanjica’ në rrethinë të Beogradit që kur u zbulua se ishte një fabrikë masive e prodhimit ilegal të marihuanës nga policia e Beogradit dridhi gjithë sistemin e inteligjencës së Serbisë.
Kreu më i lartë i agjencisë së inteligjencës së Serbisë (BIA), tentoi të fshehë rastin e mbyllë hetimin por nuk u lejua nga inspektori i policisë Dusan Mitic, që madje në proces gjyqësor tha se ka dëshmi direkte për ndërhyrje, tentim korruptimi dhe shantazhi e kërcënimi nga vet krerët e BIA për të hequr dorë nga hetimi.
Inspektori Mitic në gjyq dëshmoi se ka pasur synim edhe arrestimin e vet Bratislav Gasic, shefit asokohe të BIA për pengimin e rastit.
Mitic kishte shtuar në dëshmi se Koluvija me fjalët e veta kishte implikuar edhe inteligjencën ushtarake të Serbisë, kur u kishte thënë me mburrje se ishte agjent i këtij autoriteti. Mitic kishte shtuar se gjatë bastisjes kishte gjetur dokument që e vërtetonte këtë pretendim.
Mitic kishte akuzuar gjatë gjykimit se edhe prokurori hetues i rastit, publikisht madje e në sy të tij, nganjëherë sillej si avokat mbrojtës.
Ky dokument i pretenduar të martën është publikuar në rrjete sociale në Serbi dhe mban datën e vitit 2019 kur në krye të ministrisë së mbrojtjes ishte Aleksandar Vulin.
Koluvija kishte të punësuar ish agjentë të BIA’së në Jovanjica dhe mbrohej nga strukturat aktive të kësaj agjencie. Një tjetër fakt që theksohet si shqetësues në opnionin publik serb se avokati mbrojtës i Koluvija është anëtar i kryesisë së Partisë Progresive Serbe të prirë de fakto nga presidenti serb Aleksandar Vucic.
U Srbiji isplivali dokazi da je Aleksandar Vulin, sadašnji direktor obaveštajne agencije, koji je od nedavno pod sankcijama USA, dok je bio ministar odbrane, narko šefa zaposlio u Ministarstvu odbrane da bude obaveštajni agent!
Ovo je do sada najdirektniji dokaz da je režim… pic.twitter.com/ZRv3ELFOFo
— Advokat Čedomir Stojković 🇺🇦🇮🇱 (@FIGHT_4_RIGHT_S) July 24, 2023