Avokati Besnik Berisha është deklaruar pas lirimit më vendim të Gjykatës, ku u refuzua kërkesa për paraburgimin e tij.
Në një intervistë për Nacionalen, Berisha e ka ofenduar rëndë Prokurorin Rasim Maloku, që urdhëroi arrestimin e tij.
Berisha e quajti Malokun “këlysh të pushtetit”, i cili thotë se mori udhëzime për ta arrestuar nga Ministrja Albulena Haxhiu, të cilën e quajti të dështuar.
“Nëse një këlysh i pushtetit, i veshun me petkun e prokurorit të shtetit merr udhëzime nga një ministre e paditur, e pashkollë, e paedukuar, e dështuar në zanatin e vet, patjetër që arrestohet edhe avokati, e në këtë rast është jetësuar, pra nuk ka qenë veç kërcënim.
Kështu që, unë jam arrestuar nga një këlysh i pushtetit, i veshur në petkun e prokurorit të shtetit”, tha Berisha.
Berisha thotë se të gjitha këto fjalë ia ka thënë në sy prokurorit Maloku, gjatë një seance e cila ka zgjatur nga ora 19:30 e deri në 4:45 të mëngjesit.
“Rasimin përveç e kam quajtur ahmak, i kam kallëzu qysh i kam thanë Arben Çitakut se çka lypë pika-pika ai, d.m.th. krej këto ia kam thanë në sy. I kam thanë që je idiot, je i padijshëm, i pashkollë, që je servil, që ke marr urdhëra prej pushtetit. I kam thanë qiti provat, qit çka ki. I ka thirrë 20 e ca policë në seancë, e kapi frika mos jemi t’u e incizu, sepse unë kisha dëshirë që seanca të mbahej publike, të ftohen kolegët e të gjitha mediave dhe ta shohin kush është Besnik Berisha, “krimineli” që iu lidhën duart në 6:10 të mëngjesit, me gjithë Njësinë Speciale që më erdhi keq se e kishin lanë Mitrovicën zbrazët dhe i tronditën fqinjtë, që më vjen keq”, tha Berisha për Nacionale.