Presidenti ukrainas, Volodymyr Zelensky, ka reaguar ndaj komenteve të fundit të ish-presidentit amerikan, Donald Trump.
Ai thekson se nuk komenton kurrë vlerësimet e popullaritetit, as për veten e tij dhe as për liderë të tjerë, por nënvizon se një sondazh i fundit tregon se 58% e ukrainasve i besojnë atij.
“Pra, nëse dikush synon të më zëvendësojë tani, kjo nuk do të funksionojë,” deklaron ai.
Zelensky gjithashtu vë në pah përhapjen e dezinformatave nga Rusia, duke sugjeruar se këto ndikime kanë arritur edhe në SHBA.
“Fatkeqësisht, Presidenti Trump, me gjithë respektin për të si lider i një kombi që e çmojmë shumë, jeton brenda një flluske dezinformimi,” shprehet ai.
Ai shton se do të shqyrtojë mundësinë e mbledhjes së më shumë të dhënave mbi besimin te liderët kyç globalë për të kundërshtuar propagandën ruse. Po ashtu, paralajmëron për një “rreth dezinformimi” që e rrethon Trump-in, ku sipas tij janë të përfshirë edhe përfaqësues të lidhur me qeveritë e Hungarisë dhe Sllovakisë.
“Kjo është shqetësuese. Gjithçka që po bëhet ka për qëllim ta bëjë Ukrainën më të dobët,” përfundon Zelensky.