Personi që qëndron pas rrjedhjes masive të dokumenteve të klasifikuara ushtarake amerikane ka punuar në një bazë ushtarake dhe ka postuar sekrete të ndjeshme të sigurisë kombëtare, raportoi Washington Post. Artikulli ofron detajet e para se kush mund të qëndrojë pas shkeljes së sigurisë që ka tronditur Uashingtonin.
Personi, i përshkruar në artikull si një i ri i vetmuar dhe entuziast i armëve, ishte pjesë e një chatroom-i me rreth disa njerëz në Discord, ku ndante dashurinë për armët dhe pajisjet ushtarake. Washington Post raportoi, duke cituar një intervistë me mikun e këtij personi, i cili ishte gjithashtu pjesë e grupit.
Ky person, me inicialet “OG”, filloi të postonte mesazhe në chatroom vitin e kaluar që i referoheshin zhargonit ushtarak, raportoi The Post. Në muajt që pasuan, ai postoi mesazhe në të cilat ai dukej se transkriptonte informacione të klasifikuara nga dokumentet amerikane, sipas artikullit.
“Ato ishin, kujtoi ai, ato që dukej të ishin transkriptime thuajse fjalë për fjalë të dokumenteve të fshehta të inteligjencës që OG tregoi se ai i kishte sjellë në shtëpi nga puna e tij në një ‘bazë ushtarake’, të cilën anëtari nuk pranoi ta identifikonte,” raportoi Post duke iu referuar mesazheve.
“OG pretendoi se ai kaloi të paktën një pjesë të ditës së tij brenda një objekti të sigurt që ndalonte celularët dhe pajisjet e tjera elektronike, të cilat mund të përdoreshin për të dokumentuar informacionin sekret të vendosur në rrjetet kompjuterike qeveritare ose për t’u nxjerrë nga printerët,” sipas Post.
“Ai është një person i zgjuar. Ai e dinte se çfarë po bënte kur i postoi këto dokumente, sigurisht. Këto nuk ishin rrjedhje aksidentale të asnjë lloji,” tha anëtari. Washington Post, raporton se artikulli është bazuar në rrëfimet e bëra nga anëtarëi i grupit Discord, i cili thuhet se është nën 18 vjeç.
Gjithashtu media amerikane raporton se shqyrtoi edhe rreth 300 foto të dokumenteve të klasifikuara, shumica e të cilave nuk janë bërë publike. Disa nga dokumentet thuhet se OG i ka shkruar, një regjistrim audio i një burri që dy anëtarët e grupit e identifikuan si OG duke folur me shokët e tij si dhe regjistrime të bisedave dhe fotografi që tregojnë OG duke komunikuar me ta në Discord./abcnews.al