Presidenti i Serbisë Aleksandar Vuçiq deklaroi se biseda me përfaqësuesin special të BE-së për dialogun Miroslav Lajçak, ka qenë e vështirë për Kosovën.
Në përgjigje të pyetjeve të gazetarëve gjatë një turneu në Panairin e Biznesit në Mostar, Vuçiq theksoi se situata po bëhet gjithnjë e më e ndërlikuar.
“Vështirë për gjithçka, me të vërtetë e vështirë. Situata po bëhet gjithnjë e më e ndërlikuar. Gjithmonë kam nevojë për një ose dy ditë për të menduar se çfarë do të thosha dhe çfarë mund të bëjmë”, u shpreh Vuçiq.
Ndryshe, emisari Lajçak ka theksuar se në takim kanë biseduar mbi procesin e dialogut dhe takimin e ardhshëm që do të kenë kryenegociatorët.
“Në Mostar fola edhe me presidentin e Serbisë, Aleksandar Vuçiq, për hapat e ardhshëm në dialog dhe për takimin e ardhshëm të kryenegociatorëve, si dhe zhvillimet rajonale. Theksova nevojën për progres urgjent në zbatimin e marrëveshjes për rrugën drejt normalizimit”, shkroi Lajçak.
In Mostar, I also spoke to @predsednikrs @avucic about next steps in the Dialogue, the upcoming Chief Negotiators' meeting, as well as regional developments. I stressed the need for urgent progress in the implementation of the Agreement on the Path to Normalisation. pic.twitter.com/UaiNqhPbun
— Miroslav Lajčák (@MiroslavLajcak) April 16, 2024