Mbretëria e Bashkuar ka reaguar me një dënim të prerë ndaj tentativës së Iranit për të shënjestruar me raketa balistike bazën e përbashkët ushtarake me SHBA-në, të vendosur në ishullin strategjik të Diego Garcias.
Sipas konfirmimeve të fundit nga zyrtarët amerikanë, drejt kësaj pike kyçe u lëshuan dy raketa. Megjithatë, asnjëra prej tyre nuk arriti ta godiste objektivin e parashikuar, duke shmangur kështu dëmet materiale apo në njerëz.
Ky sulm vjen në një moment kulmi të tensioneve ndërkombëtare, pasi Londra zyrtare kishte autorizuar më herët përdorimin e bazave të saj për operacione mbrojtëse, një lëvizje që duket se ka nxitur reagimin e Teheranit. /lajmishqip.net
