Presidenti i Rusisë, Vladimir Putin nuk do të jetojë aq gjatë sa të shohë ndonjë sukses në luftën në Ukrainë, nëse lufta vazhdon me ritmin e saj aktual.
Kështu u shpreh një shkencëtar politik rus, Sergei Mikheyev, shkruan Daily Mail.
Mikheyev, ish-drejtor i kompanisë kërkimore ruse të Qendrës për Analizën e Politikave Aktuale, tha se: ‘ Nëse vazhdojmë në këtë mënyrë dhe me këtë shpejtësi , ju dhe unë nuk do të jetojmë aq gjatë sa të shohim ndonjë sukses. Dhe le të jemi të sinqertë me veten tonë – udhëheqja jonë nuk do të jetojë aq gjatë as për këtë”, u shpreh ai.
” Pozicioni ynë është përkeqësuar rëndë. Ne ose ecim përpara, ndalojmë imitimin e sovranitetit dhe arrijmë vërtet suksesin, ose tërhiqemi me një dështim masiv,” shtoi ai.
Mikheyev ka mbajtur prej kohësh një qëndrim të ashpër ndaj luftës së Rusisë në Ukrainë.