Sevilla është finalistja e dytë e Europa League për sezonin 2022/2023.
Skuadra spanjolle eliminoi në gjysmëfinale Juventusin me rezultat të përgjithshëm 3-2, shkruan IndeksOnline.
Në ndeshjen e kthimit Sevilla fitoi vetëm pas vazhdimeve me rezultat 2-1. pasi koha e rregullt përfundoi me barazim 1-1.
Vlahovic i dha epërsinë Juventusit në minutën e 65-të, ndërsa shtatë minuta më vonë Suso barazoi shifrat në 1-1.
Fitoren Sevillës dhe kualifikimin në finale ja solli goli i Erik Lamelës në minutën e 95-të.
Në finale Sevilla do të kërkoj trefeun e shtatë të Europa League, ku do të përballet me skuadrën e Romës, e cila eliminoi Bayer Leverkusenin./IndeksOnline