Përzgjedhësi i Kosovës, Alain Giresse, është ndarë i kënaqur me rezultatin që Kosova arriti mbrëmë në Tel Aviv ndaj Izraelit, ku barazoi 1-1.
Kosova kaloi në epërsi me autogolin e Eli Dasa, ndërsa izraelitët barazuan me golin e Dor Peretz në pjesën e dytë.
Në fund të ndeshjes, Kosova kishte dy raste të mira, me Arbër Zenelin dhe sidomos me Milot Rashicën, por fati nuk ishte me ta.
“Ishte ndeshje që kërkonte shumë angazhim dhe shumë ritëm. Ndoshta rezultati nuk është i kënaqshëm, por jam i kënaqur me paraqitjen e futbollistëve. Jam i kënaqur me rezultatin, në fund kemi mundur të fitojmë, por mendoj se rezultati 1-1 është mjaft i mirë.
“Do të shkojmë ndeshje pas ndeshje. Do të jetë rrugë e gjatë. Do të mundohemi. Ishte ndeshja e parë dhe natyrisht se kemi treguar mundësi dhe potencial të mirë”.
Lojtari më i vlerësuar i ndeshjës tek ekipi jonë ishte Milot Rashica i cili e kishte vlerësimin 7.2 ndërsa lojtari më i dobët ishte Ibrahim Dreshevic me vlerësim 6.1.
I
Kosova pret Andorrën në Prishtinë në javën e ardhshme, ku kërkon tri pikët.