Kryeministri i Shqipërisë, Edi Rama, ka reaguar pas deklarimeve të zyrtarit të Human Rights Watch, Frederick Abrahams se në raportin e tij për vrasjen e civilëve nga Ushtria Çlirimtare e Kosovës, ka cituar mediat serbe për “ndalime dhe abuzime” në vitin 1998.
Përmes një postimi në Facebook, Rama ka thënë se gjyqi kundër ish-krerëve të UÇK-së që po mbahen në Hagë “po kthehet në një barrë në ndërgjegjen e botës demokratike”.
“Ky është një moment i gjyqit kundër Presidentit Thaçi dhe udhëheqësve të tjerë të UÇK-së në Hagë, ku ndjehesh realisht keq për ideatorët e kësaj trupe speciale, e cila deri më tash special ka vetëm misionin e saj të pamundur të prokurorëve të saj, për të provuar se Hashim Thaçi, Kadri Veseli, Jakup Krasniqi dhe Rexhep Selimi janë kriminelë lufte”, ka shkruar ai.