Presidentja e Kosovës, Vjosa Osmani, ka uruar presidentin aktual Recep Tayyip Erdogan, i cili sipas rezultateve të para ka fituar edhe një mandat në krye të Turqisë.
Osmani përmes një postimi në Twitter të dielën në urimin e saj tha se derisa Erdogani vazhdon ta udhëheqë Turqinë, mezi pret të bashkëpunojë me të
“I shprehim urimet tona të përzemërta Presidentit Erdogan për fitoren e sotme. Ndërsa ju vazhdoni ta udhëheqni Turqinë drejt sukseseve të reja, mezi pres të punojmë së bashku për të ndërtuar mbi bashkëpunimin tonë të shkëlqyer”, ka shkruar ajo.
Ajo e uroi Erdoganin edhe në gjuhën turke.