Në një deklaratë të shkurtër për The Geopost lidhur me kidnapimin e tre policëve të Kosovës brenda territorit të vendit, përfaqësuesi i BE-së për Dialog në mes të Kosovës dhe Serbisë, Mirosllav Lajçak ka thënë se janë duke pritur nga NATO që t’i mbledhë faktet.
“Jemi duke pritur nga NATO që t’i mbledhë faktet , kemi kërkuar prej të dyja palëve t’i prezantojmë faktet sepse kemi dy storje kontradiktore”, ka thënë ai.
Në pyetjen tjetër se a kanë informata se ku gjinden policët e Kosovës përgjigja e tij ka qenë se: “Jemi në kontakt me të dyja palët”.
Në Forumin e Prespës, i cili po mbahet në Strugë me organizimin e Ministrisë së Punëve të Jashtme të Maqedonisë së Veriut, po marrin pjesë shumë përfaqësues nga Ballkani dhe Evropa.