Agjencia ruse e lajmeve TASS raporton se 10 persona janë vrarë pasi një avion privat u rrëzua në rajonin Tver, në veri të Moskës.
Lideri i Wagner, Yevgeny Prigozhin mendohet të ketë qenë në bordin e fluturimit, ka thënë pala ruse. Themeluesi i grupit mercenar ishte në listën e pasagjerëve, por nuk është e qartë nëse ai hipi në fluturim.
Raporte të pakonfirmuara në mediet ndërkombëtare bëjnë me dije se avioni i biznesit që u rrëzua i përkiste Prigozhin. Shefi i Wagner udhëhoqi një rebelim jetëshkurtër kundër ushtrisë më të lartë të Rusisë në qershor dhe u përshkrua në atë kohë nga Vladimir Putin si një “tradhtar”.
Rebelimi përfundoi kur presidenti bjellorus Alexander Lukashenko ndërhyri për të ndërmjetësuar një marrëveshje. Prigozhin u pa për herë të fundit në një video dje që duket se ishte bërë në Afrikë.