Këshilltari i ministrit të Brendshëm ukrainas Anton Gerashchenko, në Twitter ka shpërndarë një video të Sheshit të Kuq në Moskë dhe atë nga perspektiva e zogut.
“Droni ukrainas fluturon lirshëm mbi Moskë. Duket se Kremlini ka gjasa të mëdha se shpejtë të gjej veten në një zonë të goditur. Fishekzjarrët e planifikuara për 9 maj”, ka shkruar përbri videos së publikuar, transmeton Telegrafi.
Rusia më 9 maj shënon Ditën e Fitores ku festohet fitoja e ushtrisë ruse mbi nazizmin e gjermanëve në vitin 1945. Edhe këtë vit atë ditë në Moskë do të mbahet parada tradicionale ushtarake në Sheshin e Kuq, por për arsye të sigurisë është anuluar parakalimi”, ka shkruar Gerashchenko.
“Sheshi i Kuq do të jetë i mbyllur për publikun nga data 27 prill deri më 10 maj për përgatitjen dhe mbajtjen e paradës. Nëse kam të drejtë, kjo nuk ka ndodhur kurrë në historinë e Moskës, as në vitin 1941. A kanë frikë autoritetet e Kremlinit për diçka”, Gerashchenko pyeti veten.
“Ka edhe një gjë: dronët po bien nga qielli. Mbyllja fizike e sheshit nuk i mbron nga kjo”, paralajmëroi politikani ukrainas.
Agjencia ruse e lajmeve Tass ka njoftuar sot se tre dronë me kamera janë gjetur në zona të ndryshme të rajonit të Moskës./Telegrafi
Putin is growing more and more toxic.
The only foreign leader to participate in a victory day parade in Moscow on 9th May is the president of Kyrgyzstan. His invitation to attend was made in the end of March.This year, the aggressor country won't have any demonstrations or… pic.twitter.com/9SF518brf9
— Anton Gerashchenko (@Gerashchenko_en) April 24, 2023