Ministri i Jashtëm i Iranit ka këshilluar SHBA-në të ndalë përdorimin e gjuhës së kërcënimit kundër boshtit të rezistencës dhe në vend të kësaj të fokusohet në një zgjidhje politike të konfliktit në rajon, transmeton Kosova Post.
“SHBA-ja duhet të ndalojë së përdoruri gjuhën e kërcënimit dhe të zhvendosjes së fajit te të tjerët dhe të fokusohet në një zgjidhje politike”, tha të mërkurën Hossein Amir-Abdollahian në mbledhjen e kabinetit.
Ministri i Jashtëm i Iranit tha se përgjigja e Iranit në një situatë kërcënuese do të ishte vendimtare dhe e shpejtë.
Amir-Abdollahian po u referohej kërcënimeve nga zyrtarët amerikanë për të shënjestruar forcat e rezistencës në rajon në përgjigje të një sulmi vdekjeprurës në një bazë amerikane në Jordani. Disa ligjvënës amerikanë kanë bërë thirrje që Irani të jetë në shënjestër.
Republika Islamike tashmë ka mohuar çdo përfshirje në sulmin e së dielës kundër forcave amerikane në Jordani dhe tha se grupet e rezistencës në rajon nuk marrin urdhra nga Teherani në vendimet dhe veprimet e tyre, përfshirë ato në mbështetje të popullit palestinez