Irani “nuk ishte i përfshirë” në sulmin e kryer nga militantët e Hamasit në jug të Izraelit, ka thënë misioni i tij në Kombet e Bashkuara.
“Ne qëndrojmë në mënyrë të prerë në mbështetjen e palëkundur të Palestinës; megjithatë, ne nuk jemi të përfshirë në përgjigjen e Palestinës, pasi ajo merret vetëm nga vetë Palestina”, u tha në një deklaratë të dielën, sipas Reuters.
Hamasi kishte deklaruar më parë se ndihma nga Irani e ndihmoi atë të kryente sulmin e tij në agim gjatë fundjavës, raporton BBC.
Irani e ka mbështetur Hamasin për vite me radhë dhe u ofron luftëtarëve të tij armë dhe stërvitje.
Por Sekretari i Shtetit Antony Blinken i tha CNN të dielën se qeveria amerikane “nuk ka parë ende prova që Irani drejtonte ose qëndronte pas këtij sulmi”./GazetaSinjali