Emisari i Shteteve të Bashkuara të Amerikës për Ballkanin Perëndimor, Gabriel Escobar thotë se Asociacioni i komunave me shumicë serbe do të bëhet, duke mos e përjashtuar mundësinë që kjo të ndodhë me një kryeministër tjetër dhe jo Albin Kurtin.
Escobar në një takim me gazetarë ka thënë se “kemi disa sfida në marrëdhëniet me kryeministrin”.
“Do të ndodhë. Pyetja është, me kë?”, tha Escobar. “Duhet të fillojmë tani”.
Diplomati amerikan tha se “duhet të ecim përpara” dhe se Kosova do të përfitojë nga ky proces.