Qarkullimi në rrugët e kryeqytetit është vështirësuar mjaft shumë si pasojë e reshjeve të vazhdueshme të borës.
Faqja “Prishtina” në Facebook ka publikuar një video nga një rrugë e lagjes “Mati1” në kryeqytet ku shihet një veturë teksa rrëshqet në rrugën e mbuluar nga bora.
Për pasojë rrezikohen edhe disa këmbësorë që shihen duke kaluar aty afër, shkruan gazeta online Reporteri.net.
“Të dashur qytetarë. Ju lutem të keni kujdes dhe të ndiqni rregullat gjatë vozitjes në këtë periudhë të vështirë me borë, duke pasur parasysh se po bie vazhdimisht”.
“Edhe pse Kryeqyteti po punon pa ndërprerë për të pastruar rrugët është e rëndësishme që të kujdesemi për sigurinë tonë dhe të tjerëve. Ju lutem kujdes, ruani distancën e sigurt në rrugë”, ka shkruar Rama.