Lëvizja Vetëvendosje ka zhvilluar tubimin e radhës zgjedhor në Komunën e Vushtrrisë, ku vëmendjen e publikut e tërhoqi prania e disa figurave të njohura politike nga subjekte të tjera.
Në aktivitet ishte i pranishëm edhe kryetari i degës së LDK-së në Vushtrri, Xhafer Tahiri, por surpriza më e madhe erdhi nga Abdullah Klinaku, kryetar i klubit “Demokracia Konservatore”, i cili në zgjedhjet e fundit kishte qenë kandidat i koalicionit AAK–NISMA.
Në një prononcim për Indeksonline, Klinaku sqaroi arsyet e pjesëmarrjes në tubimin e Vetëvendosjes:
“Jo diçka e veçantë. Edhe Sylejmanin, edhe Xhaferin i kam shokë. E ndjej për obligim t’i mbështes me mundësitë e mia modeste,” deklaroi ai./lajmishqip.net
