Bleron Baraliu që njihet në opinioni si përkrahës i politikave të Vetëvendosjes ka dalë me mëngjes me një lajm goxha të gëzueshëm për pushtetin.
Baraliu si zakonisht ka zbuluar sondazhin e fundit, e që nuk ka treguar nga i ka marr matjet, por që VV-ja vazhdon të dominojnë në elektorat deri në 50%.
Ai ka thënë se opozita vështirë të marr pragun, madje edhe është tallur me ta.
“Në matjet e fundit VV duket se vazhdon të ruaj dominancën elektorale me rreth 45-50%… Por partitë tjera anësore
(nuk mund të themi më opozitare, se nuk ka opozitbërje) po kujtojnë që gjithsesi janë rritë e po bjen Albini. More mezi mbi prag jeni, hej!!! 
”, shkruan Baraliu në Facebook.
Tutje, ai ka shtuar se Kurtin është lehtë ta mundësh nëse e mbështet aty ku duhet, sic është raporti me Serbinë, e të kritikohet aty ku ka vend për punë.
“Havera, Albinin është lehtë me mujtë: veç mbështeteni pa rezerva aty ku e ka mirë dhe drejtë, psh në raport me Serbinë dhe ‘çlirimin’ e veriut, dhe kritikojeni vetëm aty ku nuk ka rezultate, si arsim, shëndetësi, kulturë, investime kapitale etj. Leni pallavrat e mediave të orkestruara pro-vuc*c, se nuk i ha ato fore njerëzia. Veç jeni tuj e rritë”.
Në fund, Baraliu ka shprehur shqetësim se vendi mund të shkojë drejtë monizmit.
“p.s. jam i brengosur që po e qoni vendin drejt monizmit me këso politika impotente”, përfundon shkrimin e tij Baraliu.