Sekretari amerikan i Thesarit, Scott Bessent, ka shpalosur detaje kritike për rrjetin NBC News lidhur me zhvillimet dramatike në Iran, me fokus të veçantë në Ngushticën strategjike të Hormuzit.
Gjatë intervistës në emisionin “Meet the Press”, Bessent konfirmoi se po zhvillohet një fushatë intensive – duke shfrytëzuar asetet ushtarake – për të asgjësuar fortifikimet iraniane përgjatë kësaj rruge ujore jetike.
Ai bëri të qartë se kjo ofensivë do të vijojë me të njëjtin ritëm derisa çdo kapacitet mbrojtës i Teheranit në atë zonë të jetë shkatërruar plotësisht.
Duke kritikuar pasqyrimin mediatik të konfliktit, zyrtari i lartë amerikan vlerësoi se publiku nuk ka një “kornizim të saktë” mbi veprimet dhe strategjinë që po ndjekin autoritetet e SHBA-së në terren.
Bessent i hodhi poshtë pretendimet e senatorit demokrat, Chris Murphy, i cili më herët pohoi se administrata Trump ka humbur kontrollin e luftës dhe kontaktin me realitetin.
Sipas tij, ky konstatim është i pabazë, pasi kapacitetet operacionale të Iranit tashmë janë goditur rëndë dhe janë drejt shpërbërjes /lajmishqip.net
