Monarku i Mbretërisë së Bashkuar, Charles III, i ka drejtuar një mesazh zyrtar urimi presidentes së Republikës së Kosovës, Vjosa Osmani, për të nderuar jubileun e 18-të të shpalljes së Pavarësisë.
Përmes kësaj letre, Madhëria e Tij ka përcjellë urimet më të sinqerta për popullin kosovar, duke vlerësuar lart marrëdhëniet e shkëlqyera diplomatike që ekzistojnë ndërmjet të dyja shteteve.
“Ky përvjetor shërben si një rast i veçantë për të vlerësuar miqësinë tonë të palëkundur. Jam tejet i inkurajuar nga forca e raporteve tona dypalëshe dhe mbetem plotësisht i përkushtuar për thellimin e bashkëpunimit në vitet vijuese. Përballë sfidave globale, sidomos atyre klimatike dhe mbrojtjes së mjedisit, shpresoj që vendet tona të punojnë bashkërisht për zgjidhje afatgjata,” thuhet në tekstin e publikuar nga Ambasada Britanike.
Mbreti Charles III dhe Mbretëresha Camilla kanë përmbyllur mesazhin e tyre duke uruar paqe, zhvillim dhe mirëqenie për gjithë shoqërinë dhe qytetarët e Republikës së Kosovës../lajmishqip.net