Deputeti i Lëvizjes Vetëvendosje, Dimal Basha, ka goditur opozitën me ironi në një postim të fundit në rrjetet sociale, duke u vënë në pah mungesën e tyre të veprimit dhe bashkëpunimin e dyshimtë me struktura paralele në veri të Kosovës.
“Në Kosovë, falë koordinimit tuaj, kemi pasur: Automjete me targa të Millosheviqit, Rrymë të papaguar, Institucione paralele, Postën e Serbisë, Dinarin e Serbisë, Kontrabandë, Rrugë ilegale, Barrikada dhe Radojçiçin kryeministër në veri!” ka shkruar Basha, duke thumbuar opozitën.
Sipas tij, kjo situatë na bën të besojmë se opozita ka qenë më e koordinuar me krimin e organizuar sesa me partnerët ndërkombëtarë, një akuzë e rëndë që hedh dritë mbi problemet e vazhdueshme të menaxhimit të situatës në veri të vendit. Postimi ka ngjallur reagime të shumta dhe ka rihapur debatin për rolin e opozitës në këtë krizë.
