Trajneri i xhudos në Kosovë, Toni Kuka, e ka krahasuar suksesin olimpik të Kosovës në këtë sport me shtetet e rajonit, duke e potencuar rëndësinë e këtyre triumfeve, dhe problematikën e të pasurit sukses kulmor.
“Fqinji ynë verior, Serbia, që i ka diku 300 klube të xhudos, si shtet i pavarur prejse është, jo në ish-Jugosllavi, e kanë pasë një medalje ose dy të bronzta, me 300 klube ata si shtet s’e kanë asnjë medalje olimpike, domethënë, zero e kanë”, ka thënë Kuka për Klan Kosova.
“Në anën tjetër, edhe një superfuqi e sportit si Kroacia, prapë ka zero medalje në lojëra olimpike [në xhudo]”
“Maqedonia, Bosnja, njëjtë. Ne i kemi tri [të arta], tash i kemi pesë në total.”
