Paris Saint-Germain e ka eliminuar Barcelonën nga Liga e Kampionëve me rezultat të përgjithshëm 6-4, për të kaluar në gjysmëfinale.
Skuadra katalunase e nisi ndeshjen më mirë, duke sulmuar qysh nga fillimi, por që as parisienët nuk u tërhoqën.
Nga loja e hapur, pas vetëm 12 mintuash lojë, Lamine Yamal e gjeti për mrekulli Raphinhan brenda zonës, me këtë të fundit që e futi me lehtësi topin në rrjetë.
https://rumble.com/v4pudyk-what-a-goal-by-raphinha-.html
Por, Barcelona mbeti me dhjetë lojtarë në fushë, kur Ronald Araujo bëri një ndërhyrje të pamenduar mirë.
Mbeojtësi uruguaian kapi Bradley Barcolan para zonës së rreptësisë në minutën e 29-të, ndërsa gjyqtari e ndëshkoi direkt me karton të kuq.
Xavi u detyrua të largonte nga loja Yamalin në minutën e 34-të, duke inkuadruar Inigo Martinez në mbrojtje.
PSG ka sulmuar me të gjitha forcat në minutat e mbetur të pjesës së parë, ndërsa ia doli të barazonte shifrat në 1-1 në minutën e 40-të me anë të ish-lojtarit të Barcelonës, Ousmane Dembele.
Pjesa e dytë nisi më mirë për mysafirët, që shënuan për 2-1 me anë të Vitinhas, që realizoi në minutën e 54-të.
Pas vetëm dy minutash, për shkak të protestave, Xavi u ndëshkua direkt me karton të kuq, për t’u larguar nga bankina e katalunasëve.
Për më keq në anën e Barcelonës, PSG fitoi një penallti, të cilën në gol e konvertoi Kylian Mbappe (61’) për rezultatin 3-1.
https://rumble.com/v4pupdz-what-a-goal-by-vitinha-.html
Mysafirët nuk u ndalën me kaq, pasi shënuan edhe të katërtin, sërish me anë të Mbappes (89′), për rezultatin 4-1 dhe atë të përgjithshëm 6-4
Në gjysmëfinale, PSG do të përballet me Borussia Dortmundin, që eliminoi Atletico Madridin./Telegrafi