Analisti Imer Mushkolaj i ka reaguar deputetit të PDK-së, Hisen Berisha për një letër që e ka lëshuar Seriba në kufi për kosovarët, që sipas Berishës “paska qenë në fakt pasaportë dhe se në të Serbia e paska vendosë vulën katrore të pikës kufitare”.
Mushkolaj këtë e quan mashtrim publik, duke publikuar edhe letrën, dhe duke thënë se në atë Beogradi në atë letër e ka vendosur vetëm vulën e MPB të Serbisë – asnjëherë vulë tjetër.
Postimi i plotë:
Ky deputeti paushall i PDK’së, Hisen Berisha, tha n’RTK se heqja e kësaj letrës së bardhë, të cilën e lëshojke Serbia n’kufi për kosovarët, e paska dëmtu Kosovën. Sipas tij, kjo letër paska qenë në fakt pasaportë dhe se në të Serbia e paska vendosë vulën katrore të pikës kufitare. Mashtrim publik. Beogradi në atë letër e ka vendosur vetëm vulën e MPB të Serbisë – asnjëherë vulë tjetër. Nejse, tha edhe plot budallaqe tjera. Deputetët si ky janë aleatët më të mëdhenj të Albin Kurtit.
