Policia e Kosovës ka bërë publike një kërkesë për bashkëpunim rreth identifikimit të një personi të dyshuar.
Me autorizim të Prokurorisë që po merret me rastin, Policia e Kosova ka kërkuar ndihmë nga qytetarët që të ofrojnë informata të cilat do të ndihmonin në identifikimin e një personi që dyshohet për vrasjen e rëndë që ka ndodhur në Podujevë më 11 shtator të këtij viti.
Postimi i plotë:
Kërkesë për bashkëpunim për identifikimin e personit të dyshuar
Njësiti i hetimeve të përgjithshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit të dyshuar.
I dyshuari, kërkohet për vrasjen e rëndë që ka ndodhur me 11.09.2023, në Podujevë.
Të nderuar, për çdo informatë që mund të çojë në identifikimin e personit të dyshuar kontaktoni policinë në numrin e telefonit: 192.