Teherani zyrtar ka konfirmuar nisjen e një ofensive me raketa, duke e cilësuar këtë si një kundërpërgjigje legjitime ndaj bombardimeve të koordinuara amerikano-izraelite që goditën kryeqytetin iranian.
Raportimet e fundit sugjerojnë se, përveç objektivave në Izrael, Irani ka zgjeruar rrezen e sulmeve të tij duke shënjestruar edhe pika strategjike në Bahrejn, Emiratet e Bashkuara Arabe dhe Katar.
Sipas agjencisë gjysmë-zyrtare të lajmeve Fars, të cituar edhe nga rrjeti CNN, forcat iraniane kanë realizuar goditje të drejtpërdrejta raketore mbi një bazë ushtarake amerikane të lokalizuar në Bahrejn.
Ky informacion është përforcuar edhe nga një zyrtar i lartë amerikan, i cili konfirmoi sulmin mbi bazën e Marinës në Bahrejn. Ai e përshkroi gjendjen aktuale në terren si “aktive”, ndërsa tensionet po rriten me shpejtësi.
Vlen të theksohet se ky objekt ushtarak është tejet i rëndësishëm, pasi shërben si vendbanimi kryesor dhe qendra e operacioneve për Flotën e Pestë të Marinës së Shteteve të Bashkuara./lajmishqip.net