Kryebashkiaku i Kamzës Rakip Suli i cili u zgjodh me rezultat të thellë në 14 maj po shijon efektet e suksesit në studiot televizive. Ai ishte i ftuar për një intervistë me gazetaren Ola Bruko ku po i shpjegonte punët e mëdha që kanë rilindur Kamzën.
Dhe me skemën shabllon: si e gjeta dhe si e transformova, ai tentoi të shpjegonte në ç‘gjendje i pati lënë WC-të e shkollave paraardhësi.
Aq me skepticizëm e përshkroi punën e tij sa tregoi me kompetencë se si ishin gropat skeptike të banjave… Tejet argëtuese të shohësh se me ç’pasion flet një rilindas për gjëra që s’i kupton.