Një video drithëruese e publikuar nga një përdorues në Twitter tregon një ushtar ukrainas që po lufton në vijën e parë të frontit në Bakhmut, ku aktualisht po zhvillohen luftimet më të ashpra.
Përkundër presionit, nga bombardimet e vazhdueshme që dëgjohen në sfond ushtari ukrainas qëndron shumë i qetë dhe i fokusuar në misionin e tij.
“Luftimet po vazhdojnë nga të gjitha anët, po e vërej nga pajisja e zmadhimit të armës. Armiqtë tanë po përpiqen të vrapojnë në llogoret e njësisë së shokëve tanë”, thotë ushtari ukrainas në një video ku flet në gjuhën angleze.
How Ukrainian soldiers at the front stay calm & focused PART 1/2 – #BakhmutHolds #Bahkmut #бахмут pic.twitter.com/W6fhd74t2w
— Roman Trokhymets (@RomanTrokhymets) March 13, 2023
“Unë thjesht i shikoj ata përmes pajisjes dhe e bëjë atë çfarë duhet bërë. Minat shpërthejnë gjithandej”.
Në këtë video luftëtari ukrainas qëndron i shtrirë dhe ka kamufluar snajperin e tij me një rrjet, por bombardimet e fuqishme dëgjohen në sfond.
“Jam 100 për qind i koncentruar dhe i relaksuar. Gjendem diku afër Bakhmutit”, vazhdoi ai mes tjerash.
Përkundër bombardimeve që dëgjohen në sfond atij nuk i trembet syri dhe ruan pozicionin e tij./Telegrafi