Gjatë ditës së sotme ka nisur procesi i verifikimit të ankesave të para të konsumatorëve lidhur me njehsorët elektrikë, nga ana e komisionit të posaçëm të themeluar prej Ministrisë së Industrisë, Ndërmarrësisë, Tregtisë dhe Inovacionit.
Përmes një komunikate për media, bëhet e ditur se njehsorët te të cilët janë konstatuar mospërputhje të kohës janë tërhequr menjëherë nga funksioni dhe janë dërguar për ekspertizë në Agjencinë e Metrologjisë së Kosovës.
“Rezultatet e verifikimeve të njehsorëve të parë pritet të dalin së shpejti dhe opinioni publik do të njoftohet me kohë për gjetjet”, thuhet mes tjerash në njoftimin zyrtar të ministrisë.
Komisioni i posaçëm i MINT-it për trajtimin e ankesave të konsumatorëve, i shoqëruar nga Inspektorati Qendror i Tregut, ka zbarkuar sot në terren për të inspektuar gjendjen e matësve elektrikë.
Në rastet ku janë identifikuar parregullsi teknike në matjen e kohës, pajisjet janë çmontuar për t’iu nënshtruar verifikimit të mëtutjeshëm në laboratorët e Agjencisë së Metrologjisë.
Pritshmëritë janë që konstatimet finale të dalin brenda një kohe mjaft të shkurtër, ndërsa dikasteri qeveritar premton transparencë të plotë ndaj publikut për këtë proces sensitiv.
Departamenti për Mbrojtjen e Konsumatorit u bën thirrje të gjithë qytetarëve që ankesat e tyre t’i adresojnë në postën elektronike konsumatori@rks-gov.net, duke bashkëngjitur numrin e telefonit dhe adresën e saktë për realizimin e verifikimit. /lajmishqip.net
