Kryeministri i Kosovës, Albin Kurti ka uruar shqiptaren Ylfete Fanaj, e cila u bo sot shqiptarja e parë ministre në qeverinë kantonale të Luzernit.
Nëpërmjet një postimi në Facebook, i pari i qeverisë ka shkruar se të arriturat e saj janë inspirim dhe udhërrëfim për mërgatën tonë në Zvicër.
Ndër të tjerash, Kurti i ka uruar suksese ministres së re shqiptare, duke potencuar se ky nuk do të jetë as urimi i parë dhe as i fundit.
Postimi i plotë:
Shqiptarja e parë deputete në Parlamentin e Kantonit të Luzernit dhe e para që udhëhoqi me Parlamentin e këtij Kantoni, Ylfete Fanaj, sot u bë shqiptarja e parë ministre në qeverinë kantonale të Luzernit.
Si pionere shqiptare në politikë, të arriturat e saja janë inspirim dhe udhërrëfim për mërgatën tonë në Zvicër, e cila për shumë vite tani i shërben me besnikëri shtetit zviceran.
E ky nuk ishte urimi i parë për znj.Fanaj, dhe duket se nuk do të jetë i fundit. I dëshiroj suksese në detyrën e re dhe punë të palodhshme përballë përgjegjësive të reja. Me të nuk na bën bashkë vetëm origjina, por edhe orientimi socialdemokrat. Andaj edhe bashkëpunimin e kemi detyrim, përveçse interes të përbashkët./GazetaSinjali