Inteligjenca artificiale mund të përdoret në dobi të njerëzimit. Kështu ka deklaruar krijuesi i Chat GPT, Sam Altman, i ka kërkuar Kongresit amerikan që të rregullojë zhvillimin dhe përdorimin e teknologjisë.
Altman ka nënvizuar se, nga inteligjenca artificiale mund të përfitojnë të gjitha fushat, nga mjekësia e deri tek lufta kundër ndryshimeve të klimës.
“Sidoqoftë, ne besojmë se ndërhyrja e enteve rregullatorë qeveritare do të jetë kritike për uljen e rreziqeve të modeleve të fuqishme. Për shembull, qeveria amerikane mund të shqyrtojë kombinimin e licencimit dhe testimit të kërkesave për zhvillim dhe të ofrojë modele mbi pragun e kapaciteteve”, tha themelues i “Chat GPT”.
Dëshmia e Altman vjen mes shqetësimeve të ligjvënësve amerikanë se inteligjenca artificiale do të ketë efekte të papritura tek shoqëria. Ata citojnë rreziqe si humbja e vendeve të punës, apo përdorimi i mjeteve të krijimtarisë për të gjeneruar informacione të rreme nga vendet armike.