Ish-ministri kroat i mbrojtjes Ante Kotromanoviq komentoi në serinë e fundit të përplasjes diplomatike me Serbinë, d.m.th. reagimet nga Serbia ndaj deklaratave të ministrit të Jashtëm kroat Gordan Grliq Radman, i cili kritikoi politikën e udhëhequr nga presidenti, Aleksandar Vuçiq.
“Serbët zgjodhën rrugën e tyre, që është Rusia. Prej vitesh kanë vonuar negociatat me BE-në dhe nuk e di pse po e detyrojmë. Ky nuk është qëllimi i tyre, ata nuk do ta bëjnë, ata janë duke llogaritur që Rusia ka një ndikim të fortë. Ata kanë çdo të drejtë, dhe kjo është në rregull, për të modernizuar forcat ushtarake, ne nuk duhet të shqetësohemi për gjërat që po bën Serbia. Ne po udhëheqim 3:0, e kemi fituar luftën, jemi anëtare të BE-së dhe NATO-s”, thotë Kotromanoviq.
Ai shton se nuk ka frikë se Serbia do të sulmojë Kroacinë sepse siç thotë ai, Serbia nuk ka forca të mjaftueshme.
Ai iu referua edhe rikthimit të shërbimit ushtarak.
“Më shqetëson që është një lloj përgjigje ndaj Serbisë. Ne kishim shërbimin ushtarak, të cilin e pezulluam sepse askush nuk donte të kryente shërbimin ushtarak. Do të jemi në të njëjtën situatë, pas dy-tre vitesh, siç ishim më parë. Për mua ky afat është tre muaj. Ne jemi shumë të nxituar, do ta vendosim OSRH-në (Forcat e Armatosura të Republikës së Kroacisë) në një situatë të vështirë”, paralajmëron ai, raporton N1.
