Ermiona ishte sonte në studion e “Big Brother VIP” ku foli për përjashtimin e saj të bujshëm. Ajo tha se donte dhe vetë të dilte nga shtëpia pasi banorët aty i ishin neveritur.
“Nuk është e lehtë të qëndrosh e izoluar, sidomos për mua që jam shpirt i lirë. Sidomos me hienat që janë brenda në shtëpi. E kam fjalën për ato që krijojnë situatat tragji-komike. Aty humanizmi vdes, nuk ka humanizëm.
Atyre bravo i qoftë, unë nuk e përballova dot më. Aty shahen, e pështyhen e më pas bëhen miq. M’u neveritën njerëzit. Kiara m’u neverit, Olta po ashtu, Armaldo si femër e keqe që tregonte histori mbrapa krahëve. Nita nga ana tjetër, vinte pas meje dhe Luizit të dëgjonte ndonjë fjalë për të krijuar dhe ajo historinë e saj. M’u neveritën. Nuk mund të jetoja dot me hiena”, tha Ermiona.
