Kryeministri i Shqipërisë, Edi Rama, ka njoftuar zyrtarisht se rrjeti social TikTok do të vazhdojë të jetë i disponueshëm për përdoruesit shqiptarë. Gjatë një interviste për prestigjiozen “Politico”, kreu i qeverisë sqaroi se kabineti i tij ka finalizuar një partneritet strategjik me platformën, ndërsa detajet e masave të reja mbrojtëse pritet t’i prezantohen publikut së shpejti.
“Jemi tejet të kënaqur me këtë përfundim. Kemi konsoliduar partneritetin dhe brenda pak javësh apo muajsh do të shpalosim planin konkret para popullit shqiptar, ashtu siç kemi premtuar,” u shpreh Rama. Ai nuk e fshehu habitë e tij për qasjen bashkëpunuese që tregoi stafi i TikTok-ut pas paralajmërimit fillestar për ndalimin total të aplikacionit në vend.
Sipas tij, pritshmëritë ishin krejtësisht ndryshe: “Në fillim ishte e natyrshme të mendonim se ata do të zgjidhnin rrugën e konfliktit apo hakmarrjes ndaj nesh. Mirëpo, pasi i takova personalisht, mbeta shumë i impresionuar nga gatishmëria e tyre. Ata reflektuan dhe i dëgjuan me shumë vëmendje shqetësimet tona kryesore” ./lajmishqip.net