Në një kulminacion të paparë të sezonit në Superligën e Kroacisë, Rijeka u shpall kampion duke lënë pas Dinamo Zagrebin dhe Hajduk Splitin në garë.
Kjo u bë e qartë pas ndeshjeve të sotme (e diel) të raundit të 36-të, para të cilave të tre ekipet e lartpërmendura kishin një shans për të fituar titullin e kampionatit.
Rijeka priti Slaven Belupo në shtëpi dhe i duhej një fitore për të qëndruar në vendin e parë, të cilën e arritën me rezultat 2-0.
Kështu, Rijeka nuk varej nga rezultatet e Dinamos dhe Hajdukut, të cilët luajtën përkatësisht kundër Varazhdinit dhe Shibenikut.
Kjo është hera e dytë në histori që Rijeka fiton titullin e kampionatit kroat, pasi më parë e kishin fituar në vitin 2017.
Përveç kësaj, Rijeka e ka fituar gjashtë herë Kupën e Kroacisë dhe dy herë Kupën e Jugosllavisë.
Në të njëjtën kohë sot në Maksimir, Dinamo mposhti Varazhdinin me rezultat 1-0 me golin e Petar Sucic, ndërsa Rokas Pukštas i solli Hajdukut fitoren në Shibenik.
Rijeka përfundoi e para me 65 pikë, njësoj si Dinamo e vendit të dytë, ndërsa Hajduku në të tretën me 63 pikë.
Rijeka u shpall kampion për shkak të rekordit më të mirë në ndeshjet kokë më kokë me Dinamon./Telegrafi