Nëse lejojmë që Ukraina të copëtohet, a është ende e garantuar pavarësia e kombeve? Përgjigja është jo”, tha Biden në Asamblenë e Përgjithshme të Kombeve të Bashkuara në Nju Jork, të martën.
Kombet e Bashkuara duhet të “qëndrojnë sot kundër agresionit të qëllimshëm” ndaj Ukrainës nga Rusia “për të penguar agresionin e ardhshëm” të të njëjtit lloj, tha presidenti i ShBA-së, Joe Biden, të martën, duke iu drejtuar udhëheqësve botërorë në Asamblenë e Përgjithshme të OKB-së në Nju Jork, shkruan Euronews, transmeton kk.
“Rusia beson se bota do të lodhet dhe do ta lejojë atë të brutalizojë Ukrainën pa pasoja. Por unë ju pyes këtë: Nëse braktisim parimet thelbësore të OKB-së. Karta për të qetësuar një agresor, a mundet ndonjë shtet anëtar të ndihet i sigurt se është i mbrojtur?”, pyeti Biden.
Duke përmendur valët e të nxehtit, zjarret, përmbytjet dhe thatësirën që kanë goditur pjesë të ndryshme të globit gjatë muajve të fundit, presidenti amerikan paralajmëroi gjithashtu se çfarë do të ndodhte nëse njerëzimi nuk do të reduktonte varësinë e tij nga lëndët djegëse fosile.
Presidenti amerikan i bëri thirrje gjithashtu Këshillit të Sigurimit të Kombeve të Bashkuara të “autorizojë tani” dërgimin e një force ndërkombëtare në Haiti për të ndihmuar policinë të luftojë kundër bandave.
“Populli i Haitit nuk mund të presë më”, u tha Biden delegatëve në Nju Jork.