Policia e Kosovës ka arrestuar një person në fshatin Mikinic të Leposaviqit, pas një bastisjeje në shtëpinë e tij ku u zbuluan armë dhe pajisje me emblema serbe. Sipas raportit zyrtar të policisë, operacioni u zhvillua pasditen e së mërkurës.
Gjatë kontrollit të detajuar të pronës, njësitë policore kanë gjetur dhe konfiskuar një arsenal të konsiderueshëm, i cili përfshinte:
- Një pushkë automatike AK-47 me 55 fishekë,
- Një bajonetë dhe një gëzhojë,
- Dy këmisha me emblema të policisë serbe,
- Një jelek i ushtrisë serbe.
I dyshuari u shoqërua menjëherë në stacionin policor për intervistim, por me vendim të prokurorit kujdestar, ai është liruar dhe rasti do të vazhdojë në procedurë të rregullt hetimore./lajmishqip.net