Presidenti Donald Trump ka deklaruar se e konsideron konfliktin me Iranin si një çështje që tashmë është “shumë pranë përfundimit”.
“Besoj se jemi në finale. E shoh këtë proces si shumë afër mbylljes”, u shpreh Trump në një fragment të intervistës për Maria Bartiromo të Fox News, të publikuar të martën.
Trump ka proklamuar vazhdimisht triumfin dhe ka parashikuar fundin e luftës që në ditët e para të nisjes së saj në shkurt, ndonëse përplasjet në terren kanë vijuar pa ndërprerë.
Ndërkohë që Trump po lë të kuptohet për diskutime të reja, kryeministri i Pakistanit pritet të realizojë vizita zyrtare në Arabinë Saudite, Katar dhe Turqi.
Gjatë ditës së martë, Trump paralajmëroi mundësinë e negociatave të mëtutjeshme pasi bisedimet e fundjavës në Islamabad dështuan të prodhonin rezultat, duke i thënë New York Post se “diçka mund të ndodhë” në Pakistan brenda dy ditëve të ardhshme.
Deri në këto momente, nuk raportohet për ndonjë plan konkret apo agjendë të strukturuar për rinisjen e bisedimeve thelbësore.
“Mbetet të shihet se çfarë do të rrjedhë, por jam i bindur se Irani synon me ngulm arritjen e një marrëveshjeje”, deklaroi Trump për Bartiromo./lajmishqip.net
