Kombëtarja shqiptare po përgatitet për një moment historik, teksa do të përballet me Poloninë në ndeshjen e parë të fazës “play-off” për Botërorin 2026. Ky takim jetik do të luhet më 26 mars në Varshavë, duke nisur nga ora 20:45.
Përzgjedhësi Silvinjo ka bërë publike listën zyrtare prej 26 lojtarësh të grumbulluar për këtë sfidë, si dhe për finalen e mundshme ndaj fituesit të çiftit Ukrainë/Suedi, që është planifikuar të zhvillohet më 31 mars.
Ajo që bie në sy në këtë grumbullim është freskimi i repartit të mbrojtjes. Për herë të parë, ftesë nga Kombëtarja “Kuqezi” kanë marrë mbrojtësit Stavro Pilo dhe Bujar Pllana, të cilët shihen si risi në planet e teknikut brazilian për këto përballje.
Lista e plotë e të ftuarve përbëhet nga:
-
Portierë: Thomas Strakosha, Elhan Kastrati, Mario Dajsinani.
-
Mbrojtës: Mario Mitaj, Stavro Pilo, Naser Aliji, Berat Gjimshiti, Bujar Pllana, Klisman Cake, Arlind Ajeti, Ardian Ismajli, Elseid Hysaj, Ivan Balliu.
-
Mesfushorë: Kristjan Asllani, Adrion Pajaziti, Ylber Ramadani, Juljan Shehu, Qazim Laçi, Nazmi Gripshi, Arbër Hoxha, Anis Mehmeti, Jasir Asani.
-
Sulmues: Myrto Uzuni, Ernest Muçi, Nedim Bajrami, Armando Broja.
Përgatitjet intensive nisin këtë të hënë në kompleksin “Shtëpia e Futbollit”. Pas seancave stërvitore në Tiranë, delegacioni kuqezi do të udhëtojë drejt Varshavës të mërkurën, me synimin e qartë për të hedhur hapin e parë drejt kualifikimit të madh. ./lajmishqip.net