Veterani i UÇK-së, Uran Luzha, ka diskutuar sonte në emisionin “Fol me Arin” lidhur me sfidën e ndaljes së pensioneve për veteranët që janë aktualisht në marrëdhënie pune.
Ai ka potencuar se tashmë opsioni i vetëm i mbetur është ballafaqimi në organet e drejtësisë, rrugë të cilën po e ndjekin me seriozitetin më të lartë.
Luzha bëri të ditur se bashkë me kolegët e tij janë në procesin intensiv të sigurimit dhe grumbullimit të dokumentacionit të nevojshëm për padi.
“Nuk na ka mbetur asnjë rrugëdalje tjetër përveç kërkimit të të drejtave tona përmes organeve të drejtësisë, për çka jemi organizuar bashkë me kolegët. Po e kompletojmë të gjithë dosjen e dokumentacionit”, deklaroi ai./lajmishqip.net
